Бул бетте адам жонундо макалдар чыгарылды.
- Агын чогулуп сел болот, адам чогулуп эл болот.
- Адам — адам менен адам.
- Адам – акылы менен адам.
- Адам эли менен, ордок колу менен.
- Адам (көзү) жок жерде кеп (ушак) кылба.
- Адам адам үчүн табылгыс дары.
- Адам адам менен адам.
- Адам адамга дос, жолдош, бир тууган.
- Адам аласы — ичинде, мал аласы — тышында.
- Адам аласынан, сөз аласы жаман, от (эт)чаласынан, сөз чаласы жаман.
- Адам алсызы — урушчаак.
- Адам аракты жутат, арак кийин адамды жутат.
- Адам ачтан өлбөйт, ардан өлөт.
- Адам ашка тойсо да, башка (жашка) тойбойт
- Адам баласы тетиксиз сандык, сыртынан сынчы жаңылат.
- Адам болмок аста —аста, айбан болмок бир паста.
- Адам болор кишинин адам менен иши бар, адам болбос кишинин адам менен неси бар.
- Адам болуу — ураан, адамды билүү — кымбат.
- Адам болуу арзан, адамды билүү кыйын.
- Адам да көктөмдө арыктайт.
- Адам даңк үчүн от менен сууга кирет.
- Адам дүйнөдө бир жаралат.
- Адам жакшылыкты жерден таап албайт, адамдан үйрөнөт.
- Адам жаман эмес, анын кыялы жаман.
- Адам жаманы — сопу, жыгач жаманы — соку.
- Адам жүргөн жол менен адам жүрөт.
- Адам жүрүшүнөн — кул болот, ат жүрүшүнөн — пул болот.
- Адам жүрөгү менен күчтүү, жыгач тамыры менен күчтүү.
- Адам жолу — улук.
- Адам ит жандуу.
- Адам өзү ажалдуу болсо да, өлбөс нерселерди жасайт.
- Адам өзү карыса да, көөдөнү карыбайт.
- Адам өзүнөн кийинкилерди көрүп картаят.
- Адам өзүнөн эмес, сөзүнөн байкалат.
- Адам өлбөсө — айыл башы, сарт өлбөсө — кербен башы.
- Адам өлбөсө айыл башы, соодагер өлбөсө кербен башы.
- Адам өлөт, атак өлбөйт.
- Адам өлмөйүнчө ырыскысы түгөнбөйт.
- Адам өлсө даңкы калат, ат өлсө териси калат.
- Адам өчкө кудай өч.
- Адам кааласа таштан суу, такырдан гүл чыгарат.
- Адам карыган сайын бала.
- Адам катасыз болбойт, көлчүк бакасыз болбойт.
- Адам келсе таң аткандай, акмак келсе күн баткандай.
- Адам көңүлүнөн азат, тилинен жазат.
- Адам көптү көрбөй акыл кирбейт.
- Адам көркү — адеп.
- Адам көркү — чүпүрөк, дарак көркү — жалбырак.
- Адам көркү — чүпүрөк, жыгач көркү — жапырак.
- Адам кулагынан жаңылат, тулпар туягынан жаңылат.
- Адам курсагынан арыктабайт, кулагынан арыктайт.
- Адам маңдайга жазылгандан өтө албайт.
- Адам менен малдын айырмасы — акылда.
- Адам ойго тойбойт, бөрү койго тойбойт.
- Адам ооруган жеринен колун албайт.
- Адам сүйлөшкөнчө, айбан (жылкы) кашынышканча.
- Адам сөзгө (кепке) байланат, айбан чөпкө (жипке) байланат.
- Адам сөзүнөн сынат, уй мүйүзүнөн сынат.
- Адам темирден катуу, (таштан бек), гүлдөн назик.
- Адам тилинен табат.
- Адам тирүүлүгү — бейиш, молдонун тирүүлүгү — кейиш.
- Адам төрөлсө да, өлсө да койдун шору.
- Адам чакырса барбайм деген, аш чакырса калбайм дейт.
- Адам ызаатка келет, айбан чөпкө келет.
- Адам эли менен, каз — өрдөк көлү менен.
- Адам эмгеги менен даңктуу (таанылат).
- Адам эмгек менен адам.
- Адамга — ишарат, айбанга — келтек.
- Адамга адам кымбат.
- Адамга өлүм ак.
- Адамга көрбөгөндүн баары кызык.
- Адамга конгон касbет качпайт, бирок издеген киши таппайт.
- Адамга кылган жакшылык, айда тийген ай эмес, күндө тийген күн эмес.
- Адамга мал табылышы оңой, адамга адам табылышы кыйын.
- Адамга таандык мыкты дөөлөт — достук.
- Адамга тубаса акыл бүтпөйт, эмгек менен заман жасайт.
- Адамга чычалак жарашпайт, атка жаталак жарашпайт.
- Адамга чычалак жарашпайт, атка жаталак жарашпайт.
- Адамга эки нерсе тирек деги, бири тил, бири дилиң жүрөктөгү.
- Адамдагы эң сонун нерсе — акыл менен билим.
- Адамдан айла качып кутулбайт.
- Адамдан улуу ат жок, нандан улуу аш жок.
- Адамды (кишини, жигитти) сөзүнөн тааныйт.
- Адамды адам кылып арга үрөгөн үмүт.
- Адамды акылга бай кылган — эмгек, төрт түлүктү шай кылган эмгек.
- Адамды акылынан, даракты жалбырагынан байка.
- Адамды алыстан тааныш (байкаш) кыйын.
- Адамды билиш үчүн аны менен бирге үч пуд туз жеш керек.
- Адамды бузган — байлык менен бийлик.
- Адамды үмүт жашатат, кайгы какшатат.Адамды кийминен тааныбайт, ишинен тааныйт.
- Адамды көзүнөн түшүнбөй, сөзүнөн түшүн, акмакты өзүнөн түшүнбөй, элден түшүн.
- Адамды кордобо, акмакты бордобо.
- Адамды сөзүнөн тааныбайт, ишинен тааныйт.
- Адамды шайтан азгырат, артык дөөлөт мас кылат, тумшугу таштай катаарда, тууган менен кас кылат.
- Адамды шорго салган да, өлтүргөн да тил.
- Адамдын адам билет сымбатын, акмактар кайдан билсин, адамдын арзан менен кымбатын.
- Адамдын адамкерчилиги, ачуусу келгенде билинет.
- Адамдын акысын жер жебейт.
- Адамдын аласы жаман, айбандын куласы жаман
- Адамдын ардуусу тырышчаак болот.
- Адамдын башкы милдети — ыймандуулук.
- Адамдын бетин бөрү жебейт.
- Адамдын бири тентек, бири жөнтөк, бири эпчил, бири кекчил.
- Адамдын даңкын чыгарган да — тил, тарпын чыгарган да — тил.
- Адамдын жалаңгычы да адам.
- Адамдын жаман — жакшысы туулгандан эмес, көргөн тарбиясынан.
- Адамдын жылдыздуусун айбан да билет.
- Адамдын ийгилиги эмес, акылына карап баа бер.
- Адамдын иши, жемиштин мөмөсү.
- Адамдын өзү картайса да, сөзү картайбайт.
- Адамдын өзү карыса да, сөзү карыбайт.
- Адамдын өзүнө баа бербе, акылына баа бер.
- Адамдын ким экенин билгиң келсе, кебин шашпай тыңшап көр.
- Адамдын көзү өлгөндө (бир чымчым) топуракка тоёт.
- Адамдын көркү — адеп.
- Адамдын көркү — адилеттүүлүктө, жигиттин көркү — адептүүлүктө.
- Адамдын көркү — акыл.
- Адамдын көркү — бөз, көңүлү — эки ооз сөз.
- Адамдын көркү — бөз, кулактын көркү — сөз.
- Адамдын көркү баш болот, кабактын көркү каш болот.
- Адамдын кыйноосу — санаа, өлүмү — оору.
- Адамдын мөмөсү бала.
- Адамдын мыктысы — жөнөкөйлүк.
- Адамдын оозунда болсо — алданын кулагында болот.
- Адамдын пейли тойбой, карды тойбойт.
- Адамдын түсүн айтпай, ишин айт.
- Адамдын эмгектен улуу тиреги жок.
- Атанын баласы болбосоң да, адамдын баласы бол.
- Ата болдум деп мактанба, адам болдум деп мактан.
- Адамзатты сөз бузат, тоо — ташты сел бузат.
- Адамзаттын жакшысы азыраак сүйлөп, көп тыңдайт, аргымактын жакшысы азыраак оттоп, көп жуушайт.
- Адамзаттын уругу — ажырыктын тамыры.
- Адамча туулуп, айбанча жашаба.
- Ай — чыгышынан, адам — жүрүшүнөн билинет.
- Ай чырайлуу, бал сөздүү — акылман адам элеси.
- Айбан ачуусу көзүнөн билинет, адам ачуусу сөзүнөн билинет.
- Атты билгенче ай керек, адамды билгенче жыл керек.
- Ак ниеттүү адамга жамандык жабышпайт.
- Акмак өлүп коркутат, адам таарынып чоочутат.
- Акчалуу адам мөөр үстүндө, акчасыз адам көр үстүндө.
- Акыл менен билим эр адамдын сөөлөтү.
- Алтымышка чыккан адамды, алыс жолго жибербе.
- Алтынды билүү — оңой, адамды билүү — кыйын.
- Ар адамда бир кыял, ал кыялды ким тыяр.
- Ар бир адам Мекенин сүйөт, соодагер бекерин сүйөт.
- Ар бир адамдын киндик каны тамган жер—Мисир.
- Ат — адамдын канаты, аш — адамдын кубаты.
- Ат жакшысы – ардак, адам жакшысы — урмат.
- Ат тойгон жерине качат, адамзат туулган жерине качат.
- Ат кишенешип табышат, адам сүйлөшүп табышат.
- Ат жашарып кунан болбойт, эр (адам) жашарып улан болбойт.
- Ат жакшысы – ардак, адам жакшысы — урмат.
- Ат азгыны — жорго, адам азгыны — молдо.
- Ат адамдын (эрдин) канаты, аш адамдын кубаты.
- Аттын жаманы — аңги, адамдын жаманы — баңги.
- Атпаса мылтык сай болбойт, анткор адам бай болбойт.
- Аюу — аманын тилейт, адам — жакшыны тилейт, акмак жамандыкты тилейт.
- Ашыкпаган адам араба менен коен уулаптыр.
- Ашык болгон адам акын болот.
- Аштын даамы туз менен, адамдын даамы сөз менен.
- Ач көз адам тойбос, соргок соргоктугун койбос.
- Сууга чөккөн адам өлөт, кайгыга чөккөн адам көнөт.
- Сөзү суук адам, баш бербеген торпокко окшош.
- Сөз жебеген адамдын ар сөзүндө бир тузак.
- Сөз билги — тапчыл, адам сулуусу— акыл.
- Сүйүүсүз адамдардын оту күйүшпөйт.
- Сүйүүсүз адамдардын оту күйүшпөйт.
- Сабырдуу адам — жылдыздуу.
- Пейли тар адам кең идиштен аш иче албайт.
- Өлбөгөн адам алтын аяктан суу ичет.
- Өзүнө пайдасыз адам өзгөгө да пайдасыз.
- Өзүнө жакшылык кылбаган адамдан өзгөгө жакшылык артпайт.
- Өзүң адам болгон соң, өлбөсүңдү билген соң, кайда барсаң анда бар.
- Өзү сары, көзү көк — ал адамдын шумкары, өзү кара, көзү көк— ал адамдын шумпайы.
- Осол өскөн жыгач бутагын көтөрө албас, осол адам атагын көтөрө албас.
- Нандан улуу тамак жок, адамдан улуу атак жок.
- Муңдуу жүргөн адамга, мукамдуу айткан ыр жакшы.
- Муңдуу адамга мукамдуу ыр жакшы.
- Мекенсиз адам — үнсүз булбул.
- Мал үйүрчүл, адам уюмчул.
- Мал аласы — сыртында, адам аласы — ичинде.
- Кыябын таап сөз айтса, көнбөгөн адам болобу.
- Куш жемге алданат, адам сөзгө алданат.
- Көп баскан адам, бок басат.
- Күлүп сүйлөгөн адамдан корк, күлүмсүрөп жааган жамгырдан корк.
- Күүсү жанбас заман жок, күчү кайтпас адам жок.
- Кечүү билбей кечпе, адамдын сырын билмейинче ишенбе.
- Кесел адам кейикчил.
- Кеп билген адам — көп билген адам.
- Карыганда адам кичирейет, көркү кетип чүгүрөйөт.
- Кары адам — үйдүн куту.
- Карт адам акылга бай, март адам доско бай.
- Каргылуу тайган бар, адамдан чыккан айбан бар.
- Карапайым адам — касиеттүү адам.
- Карагай болбой чер болбойт, кайратсыз адам эр болбойт.
- Кара жемсөө адамда калыстык жок.
- Кара далы — эр тандабайт, өлөөр адам — жер тандабайт.
- Канжыгалуу кара сеңсел — алгыр кырааны, калкка туу, баатыр чеңгел — адам кырааны.
- Каман өлсө тиши калат, адам өлсө иши калат.
- Кайраттуу адам калкка башчы болот.
- Кайгыдан адам картаят, шаттыктан адам жашарат
- Кайгы адамдын өзүн чиритет, калп адамдын сөзүн чиритет.
- Ички ооруну табуу кыйын, карт адамды багуу кыйын.
- Ийне көзүнөн сынат, уй мүйүзүнөн сынат, адам (чечен) — сөзүнөн сынат.
- Зор адамга жакшы адам, сөзү менен теңелет, бар адамга жок адам, күчү менен теңелет.
- Жылкы аласы — тору ала, сыртынан таанылат, адам аласы — ичинде, баамчылар жаңылат.
- Жыгачтын жумшагын курт жейт, адамдын жумшагын адам жейт.
- Жоктон барды жараткан адамдын акылы.
- Жети баштуу ажыдаардан коркпо, эки жүздүү адамдан корк.
- Жерде жүргөн коңуз бар, адамдан чыккан доңуз бар.
- Жашыңдан жаман жолго баспаганың, адамдык сапатынды сактаганың.
- Жанашып калсаң (койсоң) жаманга, жакшылык кылбайт адамга.
- Жаман төө жабуусун жерийт, жаман адам айлын жерийт.
- Жаман адам өзү боло албайт, болгонду көрө албайт.
- Жаман адам жакшыны тааныбайт.
- Жаман адам — өз ырыскысына өзү түкүрөт.
- Жалкоолук адамды карытат, эмгек адамды байытат.
- Жалгыз таруу ботко болбойт, жалгыз адам тутка болбойт.
- Жалгыз адам тутка болбойт, тутка болсо да журтка болбойт.
- Жакшы тондун жакасы бар, жеңи жок; жакшы адамдын ачуусу бар, кеги жок.
- Жакшы үйгө келгенде, жаман адам мас болот.
- Жакшы үйгө келгенде, жаман адам мас болот.акшы малдын тишин ачпа, жакшы адамдын жашын сураба.
- Жакшы болом десең, жакыныңа жан тартпа, бактылуу болом десең, башка адамга көз артпа.
- Жакшы адамга жамандар, малы менен теңелет.
- Жакшы адамдын досу көп, жакшы аттын ээси көп.
- Жакшы адамда жаштык жок, тобокелдин көөнү ток.
- Жакшы адам улууну ак дилинен урматтайт, кичүүнү орду менен ызааттайт.
- Жакшы адам сөздү таап айтат, жаман адам каап сүйлөйт.
- Жакшы адам он бешинде жашмын дебейт, жүзгө чыкса карыдым дебейт.
- Жакшы адам макалчы, жаман адам сакалчы.
- Жакшы адам иш үстүндө, жаман адам сөз үстүндө.
- Жакшы адам жер себинен, жаман адам эл эсебинен жан сактайт.
- Жакшы адам жайлоодогу гүлдөй, тийип турган күндөй.
- Душманы жок адам болбойт, дудуктун да жанын койбойт.
- Доссуз адам — канатсыз куш.
- Дөөлөттүү адам ток болот, жашыңда жигит шок болот.
- Дүнүйө адамды таппайт, дүнүйөнү адам табат.
- Дүйнөгө устун болгон адам жок.
- Даракты жер көгөртөт, адамды эл көгөртөт.
- Дарак жемишинен таанылат, адам акылынан таанылат.
- Дарак — тамыры менен, адам — тууганы менен.
- Гүл — аарыныкы, бал — адамдыкы.
- Бышыксынган адамдар бересеге чалынат.
- Буюмду адам жаратат, адамды кудай жаратат.
- Буту менен басып, мурду менен тынгандын баары адам атала бербейт.
- Боору бүтүн, башы эсен адам болбойт (жок).
- Болот отто чыңалат, адам иште чыңалат.
- Билинбей туруп адамга, бир ооз сөз оору дарылайт.
- Билимдүү бөлмөк — оңой, адам болмок — кыйын,
- Беттешүүдө өзүн жоготкон адам жетелеме болот.
- Башынан багы качкандан — адам да качат.
- Башы тоголоктун (же томолоктун) бардыгы адам боло бербейт.
- Бактылуу адам кааласа, муз үстүндө от жанаар, бактысыз адам кааласа, кургак үйдөн суу чыгаар.
- Бак коноор адамдын уулу эптүү, кызы көрктүү болот.
