Ат жонундо макалдар

  • Ага —тууган ынтымактуу болсо ат көп, абысындар ынтымактуу болсо аш көп.
  • Адал эмгек астыңа ат, үстүңө тон.
  • Адам жүрүшүнөн — кул болот, ат жүрүшүнөн — пул болот.
  • Адам өлсө даңкы калат, ат өлсө териси калат.
  • Адамдан улуу ат жок, нандан улуу аш жок.
  • Адашсаң атыңа ишен.
  • Ак көңүлдүн аты арыбайт, тону тозбойт
  • Ат — мингендики, тон — кийгендики, аял — тийгендики, эр — элдики
  • Ат адамдын канаты
  • Ат арытмак арзан, журт арытмак кымбат
  • Ат аяган арыбайт, аш аяган жарыбайт
  • Ат баспаган жерди тай басат
  • Ат баспайм деген жерин үч басат
  • Ат башына күн түшсө ооздугу менен суу ичет, эр башына күн түшсө өтүгү менен суу кечет
  • Ат жалына казан ас
  • Ат мүдүрүлбөй жер тааныбайт, эр мүдүрүлбөй эл тааныбайт
  • Ат оонаган жерде түк калат, айран төгүлгөн жерде жук калат
  • Ат сактаган ат минет, тон сактаган тон киет
  • Ат сийген жерге чөп чыкпайт
  • Ат тойгон жерине качат, эр туулган жерине шашат
  • Ат чабышта ат өлөт, эр сайышта эр өлөт
  • Ашуудан ат алмаштырбайт
  • Байды кудай урарда — байталын сатып ат кылат, жакшыны кудай урарда — жакынын сатып жаткылат.
  • Басмайылдын батканын ээси билбей ат билет, эр жигиттин кадырын агайын билбей жат билет.
  • Басыгын бузган ат аксайт, алкымын бузган эр аксайт.
  • Бирөөнүн ат көтөргүс бөзү бар, бирөөнүн ат көтөргүс сөзү бар.
  • Бирөөнүн ат көтөргүс даңкы бар, миңге бергис баркы бар.
  • Бозмаштуу жерде бото өлбөйт, аңыздуу жерде ат өлбөйт.
  • Желеде кулун жетилсе, аргымак күлүк ат болот
  • Сокур атка котур ат үйүр
  • Тартып ичкен тай ашырат, аяп ичкен ат ашырат
  • Чапчаң ат арышын таштайт, баары бир күлүктөн ашпайт
  • Эр башына күн түшсө өтүк менен суу кечет, ат башына күн түшсө ооздук менен суу ичет
  • Эшек минген ат сурабайт, балык жеген эт сурабайт

Добавить комментарий

Ваш адрес email не будет опубликован. Обязательные поля помечены *