КАТЫҢА ЖООП

Жактырбадым, курбум, жазган катынды,
Курбум дедим, элге айтпадым атыңды.
«Алым жаман, ооруп калдым сага окшоп»
Деген сөзүң капалантты акынды.
Сен неге үчүн өз өзүңөн кирдейсиң,
Оору – соо деп, мени экиге иргейсиң?
Сен неге үчүн оору экеним унутуп,
Ооруп жатып ыр жазганым билбейсиң?
Сен неге үчүн бошоң тартып кирдейсиң,
«Мен сендей» деп мени алсызга иргейсиң?
Аалам алпы Шекспирдей үч менен
Ооруп жатып сүйлөшкөнүм билбейсиң?
3/I 1945
Койсары