«2» МЕНЕН ЭМИЛБЕК

Эмилбек, Эмилбек,
Эбелектей жеңилбек,
Биздин берген суроого
Жооп берет мындай деп.
Кырк алтынчы жыл кетти,
Кырк жетинчи жыл жетти,
Жарым жылдык белгиңиз,
Кандай экен билели.

«2»иң канча?

жети!

«4» үңчү?

Эки.

«3» үң канча?

«3» үмбү…
Үчүм…
Таң…
Эсимен чыгып кетти,
Айтор
Төртпү… Бешпи…

Тартибиңчи?

Тартибимби…
Тартиптен:
«1» жок,
Эмесе «1» берет элек дешти:
Андыктан,
Андан да «2».

«5» иң канча?

«5» им…
Тиги… тиги…
(Башын тырмап)
«Ж» ны
«Ш» кылып
(Мурдун тартып)
«5» им «Шок» деди.
5/ХI 1946
Чолпон-Ата

Автор

Салта

Салта

Мугалим бул – оор нерселерди оңой кылуучу адам. (Р. Эмерсон)

Добавить комментарий

Ваш адрес email не будет опубликован.

11 − два =